2020 04 12 DE QUE CÒNTES ?

« de que còntes ?… tu mai siás sarrat dins ton ostau ?… quò vai pas mau… escota sem pas bien malerós vèrs nosautres… podem córrer un pauc defòra e tot… non non non… tot se passa ben bien… un pauc de sopa… lo diable… l’òm pòt pas bien córrer per achaptar de bònas besonhas… quò vai… tot lo monde vai bien… per aquò oui… quò vai… ò ! la (…) vai bien mai !… l’òm confina… chau confinar solets… quò’s pas bien lo diable mè… vesem de monde… vesem los vesins que los vesiam pas d’abituda… la vida es pas la mèma… los veses traficar pr’aquí… que d’abituda veses pas dengú… quò part lo matin en voatura… quò arriba lo soar e quò’s tot… quò te fai rire ?… e de que fases donc ?… ieu prene pas gis de papièr vèja… mònte dins la montanha aquí denaut… rèste una paira d’oras… de còps tres… quò depend… vese quauque pélerin de temps en temps dins lo chamin… n’i aiá pas gis davant mè iara… quò chanja la vida te dise vèja… chauriá qu’aquò durèsse un pauc après quel sistème… mè escota… coma aquò lo monde se rendon còmpte que quand mèma n’i a ben que son pas tant mau qu’aquò vèja… sabes que lo (…) es malaute ?… es a l’espitau quò fai quasiment una setmana ieu crese… pas bien mens benlèu… se sentiá fatigat fatigat… quò’s iele qu’a demandat d’anar a l’espitau… es usat mai lo paure òme… a travalhat vèja… escota ieu quò’s ma sopa lo dinar… uèi es ben Pascas mè ai pas gaire… m’aquò manjarem de sopa… a bienlèu… »

… | 12 04 2020

occitan.org