1924 12 07 LA SETMANA PASSAA

Léttro dèn paouré bougré

Lo sémono possa èn persounadjé èmpourtant dé lo villo dé Lyoun, mé Sovouyard ènrodja, qué o lo molodio dé critiqua nostré poïs Ordétchois, sans djomaï lèïs ovèr mettu loou ped, portigué èn auto per Lomastro, pènsèn qué soun titré dé directeur pourrio li servi dé passoport.

Orriva à Vion, lou moussu, qué fumo coumo no tchominèio, s’opercégué qué n’oïo dji dé tobac.

Olors fogué orresta lo vouoturo, per faïré so prouvisiéou, é nèn proufité ooussi per tosta lou vïn blanc.

Pièï, fier coum’èn Sovouyard qué s’èi hobitua o pourta oou ped dé soulier coumo tout lou moundé, révénio per mounta dïn l’auto, quand trouvé loou djondarmo qué li démondèran soou popier.

Mé zélé, qué pougué présenta qué soun popier o cigoretto, trouvé quand mêmo mouyen dé romossa tout lou poïs, èn bromèn coumo lou diablé, qué nan pouio estré Français sans estré Ordétchois.

Hurousomèn qué sé trouvavo dooubé dous ou trèis omis plus rosounablé, qué lou tirèran d’oqui, sans oquo èi bien proubablé qué ni Lyoun ni Frantchovillo l’oourian plus révégu.

GRONOULI.

L’Ancien Combattant de l’Ardèche : Organe hebdomadaire des Forces de Gauche | 07 12 1924

Letra d’un paure bogre

La setmana passaa un personatge emportant de la vila de Lion, mè Savoiard enrajat, que a la maladiá de criticar nòstre país Ardechoà, sans jamai lais aver metut los pès, partiguèt en òtò per Lamastra, pensent que son titre de directèr porriá li servir de passapòrt.

Arrivat a Viòn, lo monsur, que fuma coma ’na chaminèa, s’aperceguèt que n’aiá gis de tabac.

Alòrs faguèt arrestar la voatura, per faire sa provision, e ne’n profitèt aussí per tastar lo vin blanc.

Puèi, fièr coma un Savoiard que s’es abituat a portar au pè de solièrs coma tot lo monde, reveniá per montar dins l’òtò, quand trovèt los jandarmas que li demandèran sos papièrs.

Urosament que se trovava daube dos o tres amics plus rasonables, que lo tirèran d’aquí, sans aquò es bien probable que ni Lion ni Franchavila l’aurián plus revegut.

Granolin

L’Ancien Combattant de l’Ardèche : Organe hebdomadaire des forces de Gauche | 07 12 1924

occitan.org