1967 01 LAS CHASTANHAS
LOS TCHOSTONIOS
Li ô cinquanto ons, los tchostonios fosion viourè pa maoù dé moundè dïn loù poïs. Dèn pieï, l’usino Progil, dè vés chon chovooù o fa dé gentés traoù din lous bouos dé tchostoniés.
Vés lo meï otobré, los esquipos d’omochaïrés (dés ou quinzé per fermos) qu’éroun esta embooùtchà en mountogno, vénion vé lou moundé.
Quaoùqué djours d’ovon l’oriba dé los équipos doù ou très ovolaïrés fosion toumba lous bouïchous dos arbrés, peï lous omochaïrés obé desfourcolles, romplions leus poniés qu’éroun bouïda dïn dé bourrins. Lous pourtaïrès tchariavoun los bouriendgeas os hérichiés qué sé troubavoun en un endreï plo doou bouo.
Quon oïon féni dé romocha, espéliavoun, triavoun é boutavoun en chas, lou vespé o lo veilla. L’ioïo dé trovar per dou més ooù meu.
Qu’on tout éro présté, tchastu pourtavo chu chas ooù mertcha vé chon chovooù é en tournéu oprès over béoùdu fouorcho pintos léo oïo dé maoù !! M’o countà quaoùquo maoùvéjo leugo !
D’en péï, oéô tchondja, iarô tchastu ô comp^chos tchostognos, on véï plus los équipos qué déchendions dé lô mountognô, n’iô gaïré qué ô compoun dé bouïchous, lévoun qué lô grunô oéô vaï pû rédê !!
L’iô ën mertchâ veï violo qué martcho bien. L’iô dé côs, trés eù quatré clients bâllo, oeô n’eu faï en mouloû !!.
Mais qu’on loù mertchà eï fénï, tout loù moundé ch*en vaï, foù plus ribôto ën djûcooù vespé ! Tchâoù diré qué l’iïo gaïré dé djouïnés ôoù poïs, et on toutés d’otos on léoû fâ dé tchôùi !
N.B. Lou paouré bougré qué vous couontô oquo és pas eu chôbentà, o fa dé soùn meï, tchoùnô escuja los faoutos.
L’ONRI
Les Amis de St-Pierreville | 01 1967
Las chastanhas
Li a cinquanta ans, las chastanhas fasián viure pas mau de monde dins lo país. Dempuèi, l’usina Progil, de vèrs Sant Sauvaor a fat de gentes traucs dins los bòscs de chastanhièrs.
Vèrs la mèia òctòbre, las esquipas d’amassaires (dètz o quinze per fèrmas) qu’èron estat embauchats en montanha, venián vèrs lo monde.
Quauque jorn davant l’arribaa de las esquipas dos o tres avalaires fasián tombar los boissons das arbres, puèi los amassaires aube de forcòlas, ramplián les panièrs qu’èron boidats dins de borrencs. Los portaires charriavon las borrenjaas as eirissièrs que se trobavon en un endreit plan dau bòsc.
Quand aián fenit de ramassar, espelhavon, triavon e botavon en sacs, lo vèspe a la velhaa. Li aiá de travalh per dos mes aumens.
Quand tot èra preste, chascun portava sus sacs au merchat vèrs Sant Sauvaor e en tornent après aver beugut fòrça pintas lai aiá de mau !! M’a contat quauqua mauvèsa lenga.
Dempuèi, aquò a chanjat, iara chascun acampa sas chastanhas, òm vei plus las esquipas que decendián de la montanha, n’i a gaire que acampon de boissons, lèvon que la gruna aquò vai pus regde !!
Li a un merchat vèrs Viala que marcha bien. Li a de còps, tres o quatre cents balas, aquò ne’n fai un molon !!
Mè quand lo merchat es fenit, tot lo monde se’n vai, fan plus ribòta enjusca au vèspe ! Chau dire que li a gaire de joines au país, e an totes d’autòs an lèu fat de chamin !
N.B. Lo paure bogre que vos cònta aquò es pas un sabentàs, a fat de son mèis, chaurà excusar las fautas.
L’Anrí
Les Amis de St-Pierreville | 01 1967
Denis Capian, 2013
occitan.org