1940 LO TONÈL D'AIGA

Lou tounnaé d’éguo

Diens lou timp, au moumin de las vindémas, quèro l’obitudo per tchaco fomillo, de portâ uno daéto de vi o Moussieu lou Cura qu’èro pas ritsè. Tchacu, in orrivant, lo vouédâvo diens un tounnaé que se trouvâvo o côta de la cuizino.

Cant tous oguèrount odu gnio daéto, lou cura oppellè so sorvinto por venî gni édâ o mettâ lou robinet. Voulio goutâ si l’èro bien bou. Mais o veyet d’ici si foguet un nâz, qu’èro d’éguo de lo rivaéro que se metto o pissâ de lo borillo.

N’in vétia tout de suito l’esplicotio : Tchaque poïsan s’èro dit qu’uno daéto d’éguo poraétrio pas dien lou tounaé, surtout que lou vi éïo incaro bien de couloû, et tchacun gordè por iellou so daéto de vi.

Por se rottroppâ, lou cura lous invitè tous vé iellou, lo diomintcho oprès vépras, et in lous remorçiant bien tous, gnio disset que lou vi èro bien bou et bien noturel et que risquâvo pas de fére mau. Gnio lou fa goutâ in gnio demandant si caé lou même vi qui l’an fé.

Si lou cura éïo fé un nâz in tirant d’éguo de so borillo, poyè me craérè quellou daux poïzans, de se vaérè si bien ottroppas, èro incaro bien mieux long.

Vous proumettou que l’an d’oprès gni tornèrount pas, et dounpeu lou paurè cura o toudzoû so petito prouvizio.

Almanach de la Gazette d’Annonay et du Haut-Vivarais | 1940-1941

Lo tonèl d’aiga

Diens lo temps, au moment de las vendémias, qu’èra l’abituda per chasca familha, de portar una dèta de vin a Monsier lo Curat qu’èra pas riche. Chascun, en arrivant, la voidava diens un tonèl que se trovava a costat de la cuisina.

Quand tots aguèron adut nhòs dèta, lo curat apelèt sa sarventa par venir nhi aidar a metar lo robinet. Voliá gostar si l’èra bien bon. Mè ò veètz d’aici si faguèt un nas, qu’èra d’aiga de la rivèira que se meta a pissar de la barrilha.

Ne’n vequia tot de suita l’explicacion : Chasque païsan s’èra dit qu’una dèta d’aiga pareitriá pas diens lo tonèl, surtot que lo vin aiá encara bien de color, e chascun gardèt par ielo sa dèta de vin.

Par se ratrapar, lo curat los envitèt tots vèrs ielo, la diamencha après vèspras, e en los remarciant bien tots, nhòs dissèt que lo vin èra bien bon e bien naturèl e que riscava pas de faire mau. Nhòs lo fai’ gostar en nhòs demandant si qu’es lo mème vin qu’ilhs an fait.

Si lo curat aiá fait un nas en tirant d’aiga de sa barrilha, poètz me creire que lo das païsans, de se veire so bien atrapats, èra encara bien mielhs lòng.

Vos prometo que l’an d’après nhi tornèron pas, e dompuei lo paure curat a totjorn sa petita provision.

Almanach de la Gazette d’Annonay et du Haut-Vivarais | 1940-1941

occitan.org