1892 11 13 GUÈRRA ALS ANARCHISTAS

CROUNICO PATOISO

GUERRO AS ANARCHISTOS

Cos tout à fait pitouyablé à la fi del dazanouvièmo siéclé quon éntitula lou siéclé dé lumiéro, dé trouva détros quon la fourmo huméno, mé qué lus estinc es piré quaquél dés tigrés dés Pampas dé l’Amériquo, car sé déstruisoun pas entré Iélés. A quelés moustrés abillas en omés duourion estré banis dé la souciéta qué cherchoun à destruiré per dé mouyens atrocés et qué sé vénjoun dé saï pa qué, soubré dé paourés inoucéns quon jamaï vis ni counouïsségus.

Foou qué siajoun bien lâchés d’usa dé proucédas sémblablés per nous faïré révéni à la barbario. Lou gouvernamén francés vaï faïré la guerro al foun de l’Afriquo et fa soufri et péri dé bravés souldas per puni lou saouvagé Béhanzin des carnagés détros huméns qué faï immoula per sous plosis, et péndén aquel téms d’aoutrés pus sauvagés éncaro, sé livroun dïn la capitalo dé la Franço à dé tuarios qué fon frémi et qué lon sa pa de conté noun opéla.

Si lou gouvernamén, faï bien dé châtia lous Daouméns, fario bien aoussi destré inéxourablé per las brutos qué coumétoun dé pareils crimés contro lus semblablés, et uno armado sé déouruo fourma per lous chassa dé la souciéta civilisado et lous pénja os quatré caïrés dé las charièros per douna l’exémplé os aoutrés.

Au lieu dé légiféra sur tel articlé dé loi, duourion décréta qué tout individu qués prouva qué faï partido daquélo tristo souciéta, dé li tira dessoubré coumo en dün chi énraja. Daquélo manièro finirion per lous courrija et lous ounéstés géns durmirion tranquillés.

JAN

CRONICA PATOASA

GUÈRRA ALS ANARCHISTAS

’Quò’s totafè pitoiable a la fin del dasanovièma siècle qu’an entitulat lo siècle de lumièra, de trovar d’ètras qu’an la forma umèna, mè que lus estinc es pire qu’aquel dels tigres dels Pampàs de l’America, car se destruïson pas entre ieles. Aqueles mostres abilhats en òmes duurián èstre banits de la societat que chèrchon a destruïre per de moièns atròces e que se venjon de sai pas qué, sobre de paures inocents qu’an jamai vists ni conoisseguts.

Fau que siajon bien laches d’usar de procedats semblables per nos faire revenir a la barbaria. Lo governament francés vai faire la guèrra al fons de l’Africa e far sofrir e perir de braves soldats per punir lo sauvatge Behanzin dels carnatges d’ètras umèns que fai immolar per sos plasirs, e pendent aquel temps d’autres pus sauvatges encara, se livron dins la capitala de la França a de tuariás que fan fremir e que l’òm sap pas de quante nom apelar.

Si lo governament, fai bien de chatiar los Daomèns, fariá bien aussí d’èstre inexorable per las brutas que cometon de parèis crimes còntra lus semblables, e una armada se deuruá formar per los chaçar de la societat civilizada e los penjar als quatre caires de las charrièras per donar l’exemple als autres.

Au lieu de legiferar sur tel article de loi, duurián decretar que tot endividú qu’es provat que fai partida d’aquela trista societat, de li tirar dessobre coma en d’un chin enrajat. D’aquela manièra finirián per los corrijar e los onèstes gens durmirián tranquilles.

JAN

La Démocratie de l’Ardèche | 13 11 1892

occitan.org