1906 02 10 JAUSÈP

Joouzè. — Dizo Jouon, aï lézi oquel orticlé dè Mayré soubré lou Républicain dé los Cévénos dé uéï ?

Jouon. — Oui, ma pér estré fron, mo fa plosi. Poréi qué Duclaou pèr maï dé 200 voix rien qué dinco quélo coumuno, é ièou éi poou qué quo siazé én paou pertou lo mémo caouso, paouré Duclaou voudrio té plogni, mais pouoï pas.

Joouzè. — èn bé soun paré quo fa ès pas défécilé. Per n’én révèni véi Mayré, réncountrèré l’aoutré zour, Pièré dés Fiéoulo Biso què vénio dé véiré so fillo qué laï és moridado, mé diguè co quél moussu Coudéno, én richas pamén, fozio faïré én diablé dé bézougnos per so coumuno : dé chomis, dé fouons, lou téléphono, oquélo via qué l’an sé parlo dé luén, d’escolos, dé lovoirs, én cémèntèri, qué sabé iéou, tout soqué lou moundé pouodoun ovéré bésoun, éi tobé moun omé, si vézios coumo lou moundé laï soun countén.

Jouon. — É pamén, èi énténdu diré pér lous chorétiés qué laï paoussoun qué dovon qué dé restré nouma, lous blons et lous curas én testo, fosion possa pertou quèro én radicaou-soucialisto-fron-mossou, ojustavoun qué sé sourtio forio sora los gléizos, et los fénnos couménçavoun dé laï ploura et pamén ou vézès, jomaï sé pouo véiré én méliou omé.

Joouzè. — Co faï véiré qué lous blons soun pertou lo mémo caouzo, as bé vi sé quon pas dit doï nostré counséliès ; iéou m’omuzoun énbé lious républico, lio pas quatré motis que n’én dision tou lou maou qué poudion et iaro voudrion restrè pu républicains qué nous aoutrés. Saou diré qu’on sonza dé réfrïn, iaro quos os radicaou, os soucialistos qué n’én voloun.

Jouon. — Cos coumo oqué Vincent qué sé présénto couontro Duclaou, saboun pas dé qué li réproustsa, émoco disoun qué cos én soucialisto, én fron-moussou, é quo faï riré dé véiré lous curas monténé Duclaou qué lio maï dé trént’ons qué sés pa soqua dïn qu’éno gléizo.

Joouzè. — Vèzo Jouon, moun idèio és qué si Vïncent qu’èro pas én brav’omé, nosté counséliè généraou moussu Oouliè, sério pas d’ocouor énbé iélé di qui laï vès privas.

Jouon. — Disoun qué Vïncent oouro moï dé 2000 voix dé maï qué Duclaou et iéou ou crézé ; dïn toutés lous cas iéou li boïloréi lo miéou, ma n’én foréi volé tant qué pouïréi.

Joouzè. — Ni ma iéou, ma coumo co sérén sûrs d’ovéré én députa dé biaï, qué voutoro pas éno fés énbé lous rouzés et én aoutro fés énbé lous blons per troumpa tout lou moundé.

Le Républicain des cévennes | 10 02 1906

Jausèp. — Dija Joan, as legit aquel article dès Maires sobre lo Republiquèn de las Cevenas de uèi ?

Joan. — Oí, ’mà per èstre franc, m’a fat plasir. Pareis que Duclaus pèrd mai de 200 voàs rien que dins qu’aquela comuna, e ieu ai paur que quò siage un pauc pertot la mèma causa, paure Duclaus voudriá te plànher, mè pòi pas.

Jausèp. — Embe son pas ren qu’a fat es pas defecile. Per ne’n revenir vèrs Maires, rencontrère l’autre jorn Pière dès Fiula Bisa que veniá de veire sa filha que lai es maridada, me diguèt qu’aquel monsur Codena, un richàs pasmens, fasiá faire un diable de besonhas per sa comuna : de chamins, de fònts, lo telefòna, aquela viaa que l’òm se parlo dé luènh, d’escòlas, de lavoars, un cementèri, que sabe ieu, tot çò que lo monde pòdon avere besonh, eitanben mon òme, si vesiá coma lo monde lai son contents.

Joan. — E pasmens, ai entendut dire per los charretièrs que lai passon que davant que de rèstre noma, los blancs e los curats en tèsta, fasián passar pertot qu’èra un radicau-socialista-franc-maçon, ajustavon que se sortiá fariá sarrar las glèisas, e las fennas començavon de lai plorar e pasmens o veses, jamai se pòt veire un melhor òme.

Jausèp. —

Quò fai veire que los blancs son pertot la mèma causa, as ben vist ce qu’an pas dit das nòstres conselhièrs ; ieu m’amuson embe lhos republica, li a pas quatre matins que ne’n disián tot lo mau que podiá, e iara voudrián rèstre pus republiquèns que nosautres. Chau dire qu’an chanjat de refrin, iara quò’s as radicaus, as socialistas que ne’n vòlon.

Joan. — Quò’s coma aquel Vincent que se presenta còntra Duclaus, sabon pas de que li reproschar, e m’aquò dison que quò’s un socialista, un franc-maçon, e quò fai rire de veire los curats manténer Duclaus que li a mai de trenta ans que s’es pas sacat dins qu’una glèisa.

Jausèp. — Vèja Joan, mon idèa es que si Vincent qu’èra pas un brave òme, nòste conselhièr generau monsur Aulièr seriá pas d’acòrd embe iele d’iquilaivèrs Privàs.

Joan. — Dison que Vincent aura mai de 2000 voàs de mai que Duclaus e ieu o crese ; dins totes los cas ieu li bailarai la mieu, ’mà ne’n farai valer tant que poirai.

Jausèp. — Nimà ieu, ’mà coma quò serem surs d’avere un deputat de biais, que votarà pas una fes embe los roges e una autra fes embe los blancs per trompar tot lo monde.

Le Républicain des Cévennes | 10 02 1906

occitan.org